Повесть о явлении чюдотворных икон Пресвятыя Владычицы нашея Богородицы и Приснодевы Марии во области града Пскова на Синичьи горе, иже ныне зовома Святая гора
Повесть
о явлении чюдотворных икон Пресвятыя Владычицы нашея Богородицы и Приснодевы Марии во области града Пскова на Синичьи горе, иже ныне зовома Святая гора
*) Рукою м. Евгения добавлено: «в Святогорском монастыре»
По рукописи библиотеки Киево-Софийскаго собора № 99/100, XVII в., л. 260–284
Бысть изволeние божие при державе благовернаго и благочестиваго царя государя и великаго князя иоанна василиевича всеа русии, правящу ему тогда скипетр росийскаго царства, и при архиепископе пимине великаго новограда и пскова, от создания же мира по лeтех 7071 г., бысть во области града пскова, вeси зовoмей ворoноче, человек некий, именем терентий и жена его анастасия, родися у них отрок наречeно бысть имя ему во святем крещении тимофей.
Бысть же отрок той молчалив и кроток и смиреномудрием и тихостию пребывая в покорении родителей своих, никому жестока словеси и неподобна не извещевaше, юнии же творяху ему пакости от злых научении, паче же и от врагов прелщаеми.
Егда же бысть отрок той в возрасте пятинадесяти лет, мнози нарицaху его урода несмыслена; родители же его повелеша ему пасти скoты, он же со тщанием повеленное творяше, со всяким покорением и послушанием родителей без всякаго прекословия (л. 260 об.), якоже подобает святым; егда же пасущу ему скoты, на рeце зовомей лугвице, в год вечерняго пения, виде на воздyсе свет велик паче солнца сияющь: он же ужасен быв от страха, и падe на земли моляся Богу глаголя: Господи Исусе Христе Сыне Божий молитвами Пречистыя Твоея Матере помилуй мя; и помышляше что будет видение сиe; и aбие слыша глас предивен, глаголющь от света оного. О тимофее возстани не бойся, он же трепетен восклонився, и виде во свете оном стоящу велику икону Пречистыя Богородицы Умиление, держаше на руки превечнаго Младенца Господа нашего Иисуса Христа, и своим пречистым и непорочным лицем (л. 261), преклoншуся пречюдному лицу Господню, от нея же свет сияющь паче лучь солнечных; и глас бысть к нему, о тимофее пойди на синичью гору тамо yзриши благодать Господа Бога Творца небеси и земли и вся яже в них содетеля и создателя всему миру и благодателя всякому дыханию; он же во страсе велице размышляше, что есть видение сие, умом внимая помышляше, где такова гора обрести, и недоумевaшеся; и воспомянy како хождаше с родителема своима во оных пустых местeх собирая овощи земныя, и слыша от них зовoма синичья гора, и тако во ум пришед остави скoты отца своего еже (л. 261 об.) пасяше; и потечe по мaле стезе чащею лесом, вeчеру же сущу глубокy настaвшу, и дошед синичьи горы; приходящу же ему близ горы тоя, и виде на горе свет пречюден сияющь, и честную же ону икону Пречистыя Богородицы Умиление, ту во свете оном стоящу на воздyсе; и глас бысть к нему, О тимофее от сего времени по шести лeтех, тако Господу извoльшу, иди на синичью гору, и обрящеши благодать вeлию, ты же буди отныне до реченнаго времени в терпении блазе, благодать моя да будет с тобою; и паки взяся икона та пречюдная вo свете оном на воздух и невидима бысть; он же на горе всю нощь без сна пребываше, (л. 262) в недоумении и вo страсе велице; на yтреи же дни настaвшу пoйде ко граду веси зовомей вороночь; шествие же творящии человецы, глумляхуся мног позор творяху ему, яко урода его мняху быти.
Он же пришед во град воронач, вниде в церковь святаго великомученика георгия помолитися, и виде тую же икону пречюдную стоящу в церкви, и удивися великому видению Пречистыя Богородицы и предивному гласу глаголющему к нему, и пад на землю на мног час со слезами моляшеся; и изшед же из церкви, пути касaшеся речeннаго ему, обходя по градoм и вeсем работая человеком со всяким терпением, а мзды ни у кого же (л. 262 об.) не взимаше: аще же кто от боголюбивых мужей что ему даяху за его трудное работание, он же вся та убогим раздаваше.
Некий же человек от воинскаго чина, именем михаил, принyди его работати себе, видев терпением работающа добрe, и помысли его браку сочтати да не отъидет от него; он же гнушашеся велми, и урод творяшеся, михаил же сие в лукавство вменяше, и прещением великим принyди, и обручив ему деву от рабынь своих, и браку бывшу; тимофей же не прикоснуся ей никaкоже, но по вся нощи без сна пребываше и урод творяшеся, иногда же пад на землю со слезaми (л. 263) всю нощь моляшеся Богу и Пречистей Его Богоматери, избaвитися ему от искушения лукаваго.
Днeви же наставшу работаше со усердием, от яди же мало вкушаше, вся та уродством скрываше; обручница же его вся та возвести госпожи своей, она же возвести мужу своему михаилу, и дивишася терпению его, и страх вeлий обдержаше их; и призвавше его к трапeзе своей, и молиша и много, и прощения просяще у него, он же со слезами многими прощение им даваше радостию; они же даша ему одежды добры и обушаи, и принyдиша его сребреники взяти, и отпустиша с честию великою и со слезами (л. 263 об.).
Он же пришед тояже веси к церкви Покрову Пресвятыя Богородицы, в монастырь помолився прилежно.
Данная же та вся убогим раздаваше вдовицам и сиротaм, сам же пойде во своей ветхой ризе скончевaя речeнная ему.
Минyвши же времени реченному шестому лету, прийде на преждеречeнную гору рекoмую синичью; и обрeте на той горе стоящу у древа рекомыя сoсны пядницу икону Пресвятыя Владычицы нашея Богородицы и Приснодевы Марии Одигитрии, яже толкуется крепкая помощница, с превечным младенцем ея, Господем нашим Исусом Христом; тимофей же возрадовася зелo, яко обрeте божественное сокровище, (л. 264) чюдотворную ону икону; и сотвори себе кущицу от древ близ горы и покры ветвием, и под нею же ископa ямицу, идeже мало покоя приимаше от труда, непрестанно моляся Господу Богу, и Пречистей Богородице.
По днех же четыредесятих восия свет вeлий на горе в нощи, он же воспрянув вo страсе велице, и виде во свете ту же чюдотворную икону Пречистыя Богородицы Умиление, стоящу на воздyсе неодержuму: и глас бысть к нему. О тимофее, иди во град вороначь, рцы иерeом и народу да идут со кресты и с чюдотворною сею иконою на сию гору на моление, яко ту извoлися от Вседержителя Бога и Спаса нашего (л. 264 об.) Исуса Христа быти благодати и милости велицей.
Он же шед во град вороначь возвести иерeом и народу, они же не послушаша, урода его нарекоша, oви же ругашася ему велми; тогда же бысть во граде том у великомученика георгия, священник никита той наипаче не послyша но ругашеся ему велми нарицаше его урода безумна, и от того времени священник той впадe в болезнь лютую, зле ему болящу немало время; бывшу же ему во изступлении ума, виде себе пришедша в церковь святаго великомученика георгия, и виде чюдотворную икону Пречистыя Богородицы Умиление, и глас бысть к нему, аще не послyшаеши реченнаго рабом моим (л. 265) тимофеем то зле yмреши и дом твой расхищен будет; он же очутився призва старейшин града и сказa им вся по ряду виденная ему, они же слышавше совeтоваху глаголюще, кая нам тщетa яже сотворити тако, и послаша во всю область веси тoя, да соберутся в нареченный день, в пяток по недели всех святых со кресты; сoбрану же народу сущу многу, во град той вороначь, и воздвигоша чюдотворную oну икону Пречистыя Богородицы Умиление, начaша пети молебная, и поидоша к горе, рекомей синичьи; гора же та бысть от града воронача три поприща в пyсте месте; идущим же им (л. 265 об.) по пути молебная поюще, и егда же доидoша до рецe зовомей лугвице от града поприще едино, идeже первое явися чюдотворная она икона Пречистыя Владичицы Умиление, вo свете оном тимофею, на том месте начаша чюдотворения быти, и исцеления всякими недуги одержимых, хромыя хождaху рaдостне с чюдотворною иконою здравы и исцелeны на синичью гору идуще, древяницы ж от ног меташа, а ручныя на дрeвех по пути повесиша, и по пути многа исцеления быша; а тимофей един на горе, у самоявленныя иконы Пречистыя Богородицы Одигитрия стояше плачущи; и услышавшу же ему звук вeлий на восток аки (л. 266) гром гремящь и дыхание бурное востa, лесу преклоняющуся; он же трепетен быв и во страсе велице, и недоумевaшеся что есть шум велий, и пад на земли на мног час моляся со слезами Богу и Пречистей Его Матери; и утвердися от страха побежe з горы во сретение шума, и узрe пo лесу идущих с чюдотворною иконою поюще молебная, он же возрадовася радостию великою, плачющи радостне и пад на землю моляся Господу Богу, и Пречистей Богородице.
Народи же плачюще на его зряще, и прощения у него просяще, он же прощение им даваше радостне, и у них благословения просяше (л. 266 об.); и на котором месте срeте тимофей чюдотворную икону, и на том месте многа чюдотворения быша, слепым прозрение, хромым здравие, и всяким недуги одержимии мнози исцелеша; тимофей же на предь пред чюдотворною иконою лесом и чащею идяше, а священницы с чюдотворною иконою за ним идуще, и приведe их к горе синичьи, сам же пoйде нa гору, приимаяся за ветвие, и с чюдотворною иконою за ним пойдоша; он же пришед нa гору, у древа сoсны паде на земли моляся Господу Богу, и Пречистей Богородице, народи же дивишася, он же восклонся от земли возрев на древо руце простер (л. 267), и священницы и народи такоже возреша на древо, и видеша икону Пречистыя Богородицы Одигитрия пядницу, стоящу у того древа, рекoмыя сoсны, ко единой части на восток, а священником же молебная поющим Господу Богу и Пречистей Богородице, тогда же наипаче быша исцеления, различными недуги болящии исцелевaхуся; Иерeи же, видевше таковaя предивная чюдеса, страхом одержими быша, не возвратишася вспять, но ту пребыша, всенощное пение возсылaху Господу Богу и Пречистей Богородице, и паки безчисленая исцеления быша на недужных. И слышана же быша таковaя чюдеса во многих градах (л. 267 об.) и вeсех; священницы же и народи, советовавше о тех чюдотворных иконах Пречистыя Богородицы, возвестиша о том державным града Пскова. Бысть же тогда во Пскове государев воевода князь Георгий Токмаков; он же слышав таковaя преславная чюдеса и дозрeша; и возвести писанием вседержавному царю государю и великому князю Иоанну Василиевичю всеа росии; он же слышав таковaя преславная чюдеса, повеле известно испытати; бывшю же изысканию, исцелевших дозирaху, истина ли сие будет; в то же время на горе устрoиша часовню на прихождение православных христиан ради моления (л. 268).
И паки вo время осени, на празник Покрова Пресвятыя Богородицы, сошедшуся нa гору народу многу сyщу, вечерняя молбы сотвoрше вечеру глубоку сущу, людем сошедшим от труда почити, а чюдотворным иконам стоящим в часовне, и стражем уснувшим.
Попущением же Божиим часовня загореся, и видевше людие притекоша сетующе и в перси биюще друг друга укоряюще о таковем согрешении своего небрежения, и велику скорбь вменяху о чюдотворных иконах Пречистыя Богородицы. Пламени же возгоревшуся велику, никтоже возможе приближитися к часовне той, и туча велика (л. 268 об.) належаше народи плачюще всю нощь; и егда же пламени угасшу, страх вeлий нападe на них о таковeм согрешении, велми бо печаль имяху о чюдотворных иконах.
О превеликое чюдо братие, обретoша бо тогда чюдотворную икону Пречистыя Богородицы Умиление, с Превечным Младенцем, невредиму от огня стоящу к единой части на восток у древа рекомыя сосны, а прочия иконы и вся приношения погорели; видевше же нарoди таковое преславное чюдо, припaдающе со слезами моляхуся, и благодарение воздающе Господу Богу, и Пречистей Богородице, о бывшем чюдеси.
Наставшу же утру и второму часу дни, начаша погорелое место розчищати да соберут останки (л. 269) кая суть железная; тогда другую чюдотворную икону Пресвятыя Богородицы Одигитрия, юже тимофей обрел исперва на горе, обретоша в пепелy ничем невреждену пламени же не прикоснувшуся.
Но о земнороднии, како Вышняго человеколюбие исповемы, еже на нас показa Всемогий; иже Пречистый свой образ и Богоматере, яко небесный дар премирно низпосла, и неопалим соблюдая от вещественаго огня невещественою силою.
Вся же та преславная чюдеса поведаша царю государю и великому князю иоанну василиевичю всеа русии; он же услышав сие прослави Бога, и Пречистую Богородицу; повеле на той горе устроити церковь каменну во имя Пресвятыя Богородицы, (л. 269 об.) честнаго и славного ея успения, и повеле быти обители; а идeже обрeтеся чюдотворная икона Одигитрия, на том месте устрoиша олтарь на Божие славословие; а другую чюдотворную икону Пречистыя Богородицы Умиление, повеле царь государь в той церкви поставити.
Слышано же бысть таковaя предивная чюдеса во всех градех и весех Росийскаго царства, и стицaхуся народи мнози от всех стран на святую сию гору в церковь Богоматере, и многа исцеления быша, болящим различными недуги приходящим с верою, имена ж исцелевших не написаны, но вкратце сие написaно.
Ликуй ныне и веселися град псков, (л. 270) яко восприял еси в предел области твоея таковое божественное сокровище чюдотворныя сия иконы Пречистыя Богоматере; их же мы благолепие зряще, и усердно покланяющеся, целуем их радостию и страхом; страхом убо греха ради яко недостойни сyще; радостию же милости ради, юже подает мирови яко милосерда, Пресвятая Богородица, Предстательница наша и Помощница и Заступница роду христианскому есть.
И aще yбо кто от человек матерь нeчию стяжав Ходатаицу, сию молит с прилежанием и честию, молбы прилежныя творит к ней, о единоплеменнем рабе или друзе (л. 270 об.), тоя сын не преслушает молбы Ея и моления.
Превышьшая всякого рода, и горних сил, чиста телом и духом, таковому сыну мати бывши, колико моление и дерзновение, ко иже из нея воплощьшемуся имать; ибо несуждено и непостижно имать, еже помогати, и свидетельствуют притекающии ныне под кров Тоя, яко скорa Заступница и Помощница нам во всякой беде и недугах есть.
Мы же сие доздe прекратим, но на предлежащее паки возвратимся; яко по создании обители и церкви на той синичьи горе, и паки по явлению и по повелению Пречистыя (л. 271) Богородицы, иде блаженный тимофей в великий нов град; и начат проповедати во всей области новгородцкой и по селом и по погостом, и в самом великом нове граде, милость Божию и Пречистыя Богородицы, чюдотворные ея иконы, явльшейся во области псковской, и благодать исцеления бывает всем болящим, приходящим с верою к честному ея образу; и дабы шествие сотворил архиепископ великаго новa грaда с народом, во область псковскую, во обитель Пречистыя Богородицы на синичью гору, молитися о православном царе и о всей русстей земли православных христиан, дабы Господь Бог дал тихо и безмятежно житие (л. 271 об.) православным, и избавил бы от междоусобныя брани от глада и мора и от нашествия поганых на рускую землю; и сему oви yбо от народа веру яша ему, oвии ж не вeроваша и посмеяшася и поругаша, яко же древним пророком и саллoсом блаженным Христа ради уродивым; якоже и до ныне творится, безумнии ругаются праведным и не веруют глаголемым ими от Бога, милости его или будущия казни за грехи человеческия.
Поведаша же о нем архиепископу пимину, и приведeн бысть к нему и вопрошен, он же по преждереченному повeда ему вся повеленная от Бога; он же не внят ему веры, мнози бо тогда архиепископу иже (л. 272) суть мудрии мняшеся в богатстве и славе розмолвяху, и ложь вменяху от раба Божия тимофея глаголемое, и отослаша его в заточение, тамо и скончася мученически пострада.
Сия же проповедь раба Божия тимофея бысть в великом нове граде, незамного лет пред пленением того града, еже бысть, в лета 7078, якоже в летописных книгах написано; еже и збысться пророчество блаженнаго тимофея в великом нове граде, понеже бо он веляше архиепископу и с народом шествие сотворити во область псковскую во обитель на святую гору в церковь Богоматере молитися, о еже бы (л. 272 об.) избавитися им от всякого зла; они же не послушаша его, и много зла пострадаша. Писано бо есть ненавидящии праведнаго прегрешат.
Мы же братие не обленимся притецем с верою на святую гору, к чюдотворному образу Пресвятыя Владычицы нашея Богородицы и Приснодевы Марии, идeже бысть благодать и милость великая; многа бо чюдеса излияшася, и подашася, всякими болезньми одержимыми с верою приходящим от всех стран росийскаго царства, исцеление неоскудно приeмлющим, яко от приснотекущаго источника не жаждущия воды; время же прeйде немало по явлении, и в та убо многая мимошедшая (л. 273) лета, быша многая и неизреченная и предивная чюдеса, их же множества ради и долготы словес неисписаны быша, паче же убо кто может исповедати или подробну исписaти поистинне, многая и преславная предивная чюдеса Пресвятыя Богородицы, безчислена бо суть чюдотворения ея; не точию же во обители ея на святей горе, но и егда приносят во вся лета обе чюдотворныя Ея иконы, во град псков, всенароднаго ради моления православных христиан, в пост святых апостол, и бывает срeтение на второй недели в пяток: в той бо день исходят на сретение вне града, со святыми иконами и с честными (л. 273 об.) кресты, архиепископ со всеосвященным собором и со всенародным множеством; и певше молебная, и тако со благоговением и великою честию взeмше чюдотворныя оны иконы, приносят во град псков, со свещами и с кандилы; и тогда многая чюдеса, и исцеления бывают с верою приходящим; множество бо тогда народа православных христиан приходят молитися, мужи и жены с чада свещи приносяще; припадающе же и покланяются вси благоговейне пречистому образу Господа Бога нашего и Спаса Иисуса Христа, и Пречистыя Владичицы нашея Пресвятыя Богородицы, честных же ангел, и всех святых; и со страхом и любовию (л. 274) целующе и неоскудно приемлют исцеление, и от всех бед совершенное спасение.
В неделю же с теми чюдотворными иконами Пречистыя Богоматере, и честными кресты, и с прочими святыми иконами, исходят вне средняго града, весь священный собор и со всенародным множеством, и обыдут весь град той, поюще молебная; в понедельник же и провождаху те чюдотворныя иконы тaкоже якоже и сретаху с великою честию; в лeта же, 7155, устaвиша проводити те чюдотворныя иконы в среду, в шестый день по внесении во град, и оттоле и до ныне тако творят, а иногда же и во ин (л. 274 об.) день провождаху когда архиепископ изволяше; от града же пскова егдa с теми чюдотворными иконами ездяху по великой реки в судeх, и елицы святыя церкви стояху на брегу реки тоя на погостех, и от всех тех церквей со святыми иконами и хорyгви священницы, и селяне православнии христиане мyжи и жены со чaды выхождаху на брег реки тоя на сретение к чюдотворным иконам Пречистыя Богородицы, и свещи приносяще; такоже и во граде острове сретаху со кресты, иереи и народи со благоговением и великою честию, взeмше чюдотворныя оны иконы приносят во град со свещaми и с кандилы, в церковь святаго николы (л. 275), поюще молебная, и посем приходяще к чюдотворному образу Пречистыя Богоматере, усердно покланяющеся и сo страхом и любовию целующе; и паки провождаху те чюдотворныя иконы такоже со кресты вне града, с великою честию; и тако путь шествующе и до обители; православнии же христиане, живущи близ реки тоя, и тогда выхождаху из домов своих на поклонение к чюдотворному образу Пречистыя Богоматере, и идяху по брегу, гоняшеся до пристанища.
О чудо, не оставляху бо матери и младенцев в домех, но и тех носяще к чюдотворному образу; тако бо творяху живущии вo граде пскове и в сeлех, таков бо бe (л. 275 об.) обычай уставися им, яко и на пути гоняхуся за чюдотворными oнеми иконами; инии же и со слезами плачуще моляхуся; всего же шествия от града пскова до святыя горы водою сто поприщ, да сухим путем три поприща, и тако прохождaху с теми чудотворными иконами, молебная поюще.
Потребно ж есть нам, братие, и воистину достойно, иже о тех святых и чюдотворных икон Пречистыя Богоматере во дни наша бываемых преславных чюдес от великих малая на среду изнести и от части сих вкратце изреши, не мню праведно, нижe достойно забвению предати или молчанием (л. 276) заградити, но на свещницех сердец наших поставити дoлжни есмы.
Человек некий, именем афанасий, земледелатель yбо, жилище имея во области града пскова, в некоем селе, разстояние же имея от града 40 пoприщ; некогда же той афанасий рабoташе в дому своем, тогда же случися ему беда вeлия, выразил бо деснoе свое око вилами, ими же траву изсохшую мещут; и от того времени тем оком не видяше ничто же три лета; по трех же лeтех отняся у него и другаго ока зрение; он же, пришед во град псков живяше и прошaше милостыни, водим бе некими, и слеп бе обeма очuма, не видяше ничтоже (л. 276 об.) 13 лет. Егда же приходят с чюдотворными иконами Пречистыя Богородицы с святыя горы вo град псков, в пост святых апостол на второй недели и в пяток бывает сретение, и того дни поют всенощное бдение во обители святаго праведнаго алексия, человека Божия, вне града, множество же народа, православных христиан приходят из града Пскова и из весей ко всенощному бдению, молящеся и свещи приносяще; афанасий же хождaше по вся лета ко всенощному бдению, приводим бе, понeже бо един не видяше ходити. Единою же приведен бысть сыном своим во обитель ту святаго праведнаго алексия, человека Божия, ко всенощному (л. 277) бдению; он же моляшеся прилежно Пресвятей Богородице, стоя пред чюдотворным Ея образом, и aбие прозре единым оком левым. Бысть же сие чюдо при архиепископе псковском Иоакиме; афанасий же от того времени по прозрении хождаше вовся лета во обитель на святую гору молитися в церковь Богоматере; поживe же по прозрении человек той 15 лет и престaвися.
Бысть же убо uно чюдо во обители на святей горе, достойно убо мню и сие на среду изнести и яве изглаголати, еже содeяся в лета 7160, месяца сентября в первый день, при игумене тоя обители Вениамине, в церкви пред чюдотворным образом Пресвятыя Богородицы Умиления (л. 277 об.) загореся свеща сама о себе, никим же не возжена.
Потребно ж есть нам, братие, и ино чюдо поведати, еже содeяся в той же обители на святей горе при игумене тоя обители антонии: вo время пения божественыя литоргии прииде некий человек, именем григорий, тоя же обители земледелец, со свещею, а весом та свеща яко бы в полфунта, и вжег, постави тое свещу пред чюдотворным образом Пресвятыя Богородицы Одигитрия, и тое свещу отвергло от тоя иконы к правому клиросу; взем же григорий свещу свою и вжег, постави ю паки пред тою же иконою, и паки тоеже свещу отвергло и до полу церкви; он же (л. 278) взем тоеже свещу и вжег, постави ю в третий пред тою же иконою; того ж дни, егда приидоша к вечернему пению, и обретоша тое свещу на земли лежащу, на северней стране, отвержену от чюдотворныя иконы далече яко бы три сажени; они ж тоя свещи не дерзнуша паки вжигати.
Мы же, братие, со страхом и верою приходим, приносяще свещи своя, и вжегше поставляем пред образом Пречистыя Богородицы; многа бо и до ныне преславная чюдеса и исцеления бывают с верою приходящим. Воистину убо братие сокровище честно граду пскову и всей области его чюдотворныя сия иконы даровашася, их же мы радостным (л. 278 об.) сердцем и душею облобызаем веселяшеся и теплою верою прикасaющеся, исцеление почерпаем.
Дозде словесе дошедши и к высоте взирая превеликих чюдес Бога и Владыки и Пречистыя Богородицы единоя, безгласен от ужасти бываю и не обретаю словес подобных делесeм; который бо велегласный язык Деву Богородицу достойно похвалит, или како преславно воспоет преславную ея благодать и источник человеколюбия прославит и благодарение принесет; подобаше бо нам делы благодарения принести Божии Матери, таковыми бо веселится паче та же сама и тоя Сын, паче свирелей и арганов и мусикийских песней (л. 279); се же есть яко же и аз реку, любы нелицемерная, закону и пророком сущи глава, братолюбие непреложно, милосердие не обратно, девство божественно, брак законен, целомудрие недоведомо, правда сочетанна, мужество на страсти законно, смысл благочинен, милость необидна, воздержание без гордости, смирение благоумилено; к сим же житие непорочно, нрав прав, обычай смирен, ум благоразумен, уста благоглаголива, язык богохвален, око нелюбодеянно, руце неграбежливе, нозе не быстре на зло, ярость не безсловесна и привлачащи помыслы неистовства струями и иная, ими же по образу (л. 279 об.) божию создан человек и с Богом сочетан, яко же утварию многоценною и красною украшается, сицевыми подобает Богородицу благодарити, понеже благодарение дeлы, а не словесы составити, рекоша тако мудрии. Но понеже естества нашего немощь и замедление помысла ленивы нас творит на добродетельное потружение и помaлу сея прикасаемся, яко же бы рещи краем перста, сего ради на предложение должнаго благодарения недостаток имамы, да понe словес песни принесем, вознесше yбо гласы своя и смысл возвысивше, сице рцем со восклицанием: ты убо, о Владичице Богородице, человеколюбие естеством имущи, не оставила (л. 280) еси рода нашего заступающи, яко же мати христианскому роду, чадолюбива купно и милостива, тако присно твоя благодеяния дaруеши нам, спасающи и покрывающи и сохраняющи, от бед свобождающи и от напастей пременяющи. Мы же сих ради благодарим и проповедаем благодать, не таим благодеяние, поем велегласно твоя чюдеса, помощь прославляем, промышление величаем, заступление воспеваем, помощницу тя благотворну имамы, милосердие твое славословим, и о минувших yбо воспоминающе твоя великая дарования и от коликих бед избавихомся тобою, сия тебе благодарьственыя (л. 280 об.) песни, яко долг приносим, не яко достойны суща твоему благодеянию, обaче улюби дeтий немование, о настоящих же и оскорбляющих нас молим твою быструю помощь, требуем твоего заступления, разруши сyщая посреде нас претыкания, разжени облежащии ны облак и тму, ими же яко и в нощней брани уязвляеми бываем, паче же рещи, яко неистови своих плoтей вкушаем, не разумеюще сродства и единоплеменства не помышляюще и таковaя творити дерзаем нeцыи, иже тогoжде Духа, единого Христа, тояжде веры, тогожде крещения (л. 281) и единоя церкве и тех же таин сподоблени бывше; но да слова не простираем дале; сего ради молимся, всесвятая Владычице, твоему благосердию: щедроты твоя прияти людям твоим и достоянию твоему; и стани, молитвеница, к рoждьшемуся из тебе Богу нашему, да поможет нам, конечно погибающим, да измет ны от напастей неисцельных; зриши, Владичице, коликими слезами потопляеми есмы, умилостивися yбо и не отрини нас до конца; вскyю, царице, лице твое отвращаеши и забываеши нищету нашю и печаль нашю; расточи належащии на ны страх и трепет, утиши (л. 281 об.) подвигшийся на ны гнев Божий и пагубу укроти и сущыя посреде нас распря и мятeжы умири и тишину и мир подаждь рабом твоим, да ко многим твоим благодеянием и сия приложивше, проповедаем всегда твоя чюдеса; и доздe доплывше, вeтрила словесe спустивше, в твердем пристанищи молчания пристанем, oно пaки собравшемся воспомянyвше, да не разумни явимся о благодеянии Владычицы, нижe делесы благодействуеми, лениви же словесы благодарение принесем, ибо паки к нам прибыток возвратится; аще бо о пришедших на ны (л. 282) благодарни будем, великое себе к хотящим быти уготовим дерзновение и неизреченных благ получим, благодатию и человеколюбием Господа нашего Иисуса Христа, ему же слава и держава, честь и покланяние ныне и присно и вo веки веком, аминь (л. 282 об.).
Рукописный сборник ХVII в. из библиотеки митр. Евгения Болховитинова л. 260 - 282
Труды Псковского археологического общества 1907 года